За MarudiBooks
чувар на вашите спомени
MarudiBooks е креативно студио за печатење посветено на зачувување на вашите најдрагоцени спомени преку висококвалитетни фотокниги и персонализирани фото производи. Основано од Тања Џон, искусен семеен фотограф со страст за печатени производи, MarudiBooks се истакнува со уникатен пристап кон секој клиент и производ.
Мојата приказна
Јас сум Тања Џон, основач на MarudiBooks, креативно студио посветено на зачувување на вашите најдрагоцени спомени. Моето патување започна како семеен фотограф, фокусирајќи се на бебиња и трудници. Со текот на времето, забележав дека недостига услуга која ги исполнува моите стандарди за квалитет и грижа за клиентите во областа на печатените производи. Ова ме инспирираше да создадам сопствено креативно студио.
Со поддршка од мојот сопруг Петар Џон, започнавме со реализација на MarudiBooks. И покрај тоа што немавме претходно искуство во оваа област, со многу труд и посветеност, успеавме да ги совладаме сите процеси – од набавка на машини до креирање на производи и дизајнирање на производите и платформата за онлајн дизајнирање на фото производи. Нашата посветеност и иновативност беа препознаени од Фондот за иновации, што овозможи набавка на потребната опрема и развој на првата македонска платформа за онлајн дизајнирање на фотопроизводи.
Денес, ја имам честа лично да се грижам за секој аспект на MarudiBooks, од иницијална комуникација со клиентите, дизајн и иразботка до достава на производите. Оваа лична вклученост ми овозможува да обезбедам врвен квалитет и уникатност во секој производ што го создавам.
Квалитет, дизајн и носталгија
Инспириранa од ретро фотографиите, воденa од минимализмот, ги дизајнирав производите како совршен спој на носталгија и последните трендови. Квалитетот на производите и врвната услуга е од највисока важност за мене.
Безвремениот дизајн на производите, ви дозволува да ја истражите сопствената креативност и да се изразите на начин својствен само вам.
Производи се печатат на одбрана хартија која го истакнува карактерот на вашите фотографии и прави да изгледаат фантастично изложени во вашиот дом.
Мисијата на MarudiBooks
Мисија ми е ви помогнам да ги зачувате вашите спомени на елегантен и единствен начин.
Верувам дека во овој дигитален свет, печатените фотографии носат посебна вредност и топлина. Тие се временска машина која нè враќа на драги моменти, луѓе и места. Затоа, секој производ што го изработувам е со највисок квалитет и дизајниран со многу љубов и внимание кон деталите.
Ве поканувам да прошетате низ страниците на MarudiBooks, да се потсетите на убавината на печатените фотографии и да се инспирирате за креирање на сопствени спомени. Јас сум тука да ви помогнам во секој чекор од процесот и да се осигурам дека вашите спомени ќе бидат зачувани на најубав можен начин.
