Да се има испечатена фотографија никогаш не било попотребно од денес. Во овој дигитален свет, на сите ни треба нешто опипливо, реално, блиско, нешто што физички го држиме во рака додека ни сведочи за нашиот живот и моментите минати.

Има нешто посебно, исцелувачки и романтично во отворање на пакетот со испечатени фотографии. Како мелем за душата.

Временска машина до драгите луѓе, места, искуства, емоции, мисли… Колку време и да помине, никогаш не ја губат својата убавина.

Ги печатиме за себе, за нашите деца, за нашите пријатели и роднини, тоа е подарокот кој навистина е од непроценлива вредност. Посветете едно катче во својот дом за да ги изложите вашите најдрагоцени фотографии. Да ве радуваат, да ве потсетат на убавините и среќата, да ве инспирираат и размрдаат.

Прошетајте низ страниците на МарудиБукс, потсетете се на убавината на принтот, инспирирајте се и одново заљубете се во уметноста на печатените фотографии под вашите прсти.

Уживајте креирајќи спомени.

Квалитет, дизајн и носталгија

Инспирирани од ретро фотографиите, водени од минимализмот, ги дизајниравме нашите производи како совршен спој на носталгија и последните трендови. Квалитетот на нашите производи и врвната услуга е од особена важност за нас, и се стремиме секогаш да нѐ спомнувате за добро и весело.

Посветуваме многу време за да го усовршиме процесот на печатење, да воведеме поквалитетни материјали во работењето за да ви понудиме финален производ кој достојно ја раскажува вашата приказна.

Безвремениот дизајн на нашите производи, ви дозволува да ја истражите сопствената креативност и да се изразите на начин својствен само вам.

Производи се печатат на одбрана хартија која го истакнува карактерот на вашите фотографии и изгледаат фантастично изложени во вашиот дом.

Никогаш не било полесно.

Донации

Пријателите треба да си помагаат. Затоа уште при развивање на целата идеја за МарудиБукс, ни беше могу важно да воведеме донации од секоја нарачка за каузи кои прават реална промена на добро.

Ви благодариме што сте толку прекрасни и вистински пријатели.