Мигови полни љубов: Водич за семејни фотографии
Здраво, драги мои чувари на спомените! Зарем не е магично како семејствата се спојуваат, креирајќи совршена таписерија на љубов, заедништво и малку откаченост? Кога работев како семеен фотограф, а и денес како главна фотографка во моето семејство се залагам за прифаќање и славење на тие автентични врски и зачувување на малите моменти што ни ги разигруваат срцата. Денес, со радост споделувам неколку „инсајдерски“ совети за тоа како можете да документирате впечатливи, искрени, спонтани семјни фотографии вредни за изложување – кои ја раскажуваат уникатната приказна на вашето семејство.
- Љубовта како водилка
Знаете што ги прави семејните фотографии навистина посебни? Реалните емоции. Затоа, поттикнете ги членовите на вашето семејство да бидат свои – да споделуваат смеа, семејни шеги и спонтани прегратки и закачки. Овие искрени моменти ќе ја покажат суштината на уникатната врска на вашето семејство.
- Дајте и шанса на несовршената убавина
Совршенството е преценето! Разбушавена коса, чудни изрази – тие се она што го прави вашето семејство она што е. Прифатете ги несовршеностите и оставете ги да раскажат дел од вашата приказна. Ќе откриете дека овие нефилтрирани моменти содржат некои од најскапоцените спомени.
- Посебни места
Сетете се на местата кои имаат посебно место во срцето на вашето семејство. Без разлика дали станува збор за вашата пријатна дневна соба или парк во кој сте биле на пикник, овие познати локации ќе допринесат за релаксирана атмосфера и успешни семејни фотографии.
- Нека свети
Светло – моето тајно оружје! Природната светлина за време на златните часови (тоа е изгрејсонце и зајдисонце) фрла волшебен сјај што додава магија на фотографиите. Изгуглајте во колку часот почнува да изгрева или заоѓа сонцето, и стигнете барем 40тина минути порано на локацијата за да се сместите и опуштите пред објективот. Ако немате шанса да отидете на некое убаво место во природа, тогаш соберете го семејството до прозорецот во домот од каде што влегува природна светлина. Вашите фотографии ќе бидат фантастични!
- Секој карактер своја приказна
Фотографиите имаат посебно значење кога ги доловуваат искрените моменти каде карактерот блеска. Замислете го вашето семејство како ужива во активностите што ги обожава – печење колачиња, трчање на дожд, диско забава во дневната соба или дури и само глупирање наоколу. Овие слики ја раскажуваат вистинската секојдневна приказна на вашето семејство.
- Реквизити и облека
Реквизитите и облеката можат да ги надополнат вашите фотографии. Помислете на нештата кои ги одразуваат омилените активности или историјата на вашето семејство. Често се случува да гледаме “совршени“ инста семејства со уште „посовршени“ фотографии кои биле планирани со недели – но, дали вашето семејство вистински ја дели нивната приказна? помислете на малите слатки приказни, анегдоти кои не сакате да се заборават низ годините – како костумот од Спајдемен со кој вашето дете го носело насекаде 3 години по ред или омилениот сладолед…
- Најважна е конекцијата
Спонтаните погледи, топлите прегратки, закачките меѓу децата. Овие моменти се суштината на приказната на вашето семејство и тие заслужуваат да бидат документирани повеќе од кои било други моменти.
- Забавно, опуштено, без притисок и очекувања
Семејните фотографии не треба да бидат мачна работа. Забавно, опуштено, без притисок и очекувања треба да биде вашата фото-мантра. Оставете приказната да се отплетка сама, а вие само „ловете“ моменти вреди за паметење. Да си семејство не значи да сте постојатно скоцкани, наместени и совршено насмеани (не сме сите Барни од HIMYM)
- Секој е дел од приказната
Правилно сте разбрале – секој член на семејството има своја улога во оваа прекрасна приказна. Од најмладиот кикоти до најмудриот баба и дедо, секој од нив придонесува со уникатно поглавје во наративот на вашето семејство.
- Од пиксели до испечатени спомени
Сите спомени кои ги документиравте – време е да ги оживееме. Со печатењето на вашите фотографии, создавањето албуми, фотокниги и нивното изложување низ домот прскате малку магија во вашето секојдневие.
Во Пинтрест и Инста свет често не сме заведени од нешто што некој друг го направил и целиме да го реплицираме. Секој од нас, дури и јас, бараме испирација во туѓото – запомнете: не се работи за насмевки и пози; се работи за овековечување на љубовта, топлината и вистинската совршено-несовршена приказната што го прави вашето семејство извонредно и единствено.
Дозволете моментите природно да се отплеткаат пред вашиот објектив. Да ги прифатиме несовршеностите, да ги славиме врските и да создадеме ризница на моменти што ќе ги негувате за генерациите што доаѓаат.
