Posted on

ВОДИЧ: Како да ги организирате дигиталните фотографии?

Кога ги разгледуваме нашите фотографии и го гледаме хаосот од дуплирани, матни, ненамерно сликнати фотографии…Она што ни се мота низ глава е “Ништо не можам да најдам…што убаво ќе беше да ги организирам еден ден. Од каде да почнам?”  – Што најчесто не обесхрабрува воопшто да започнеме со фото-чистка.

Инспирирана од паролата на Мари Кондо (Мари е експерт за организирање и средување на домот, авторка на КонМари методот) искуството на организирање на вашите фотографии има едно главно правило: 

МОРА ДА ВИ ИГРА СРЦЕТО!

Што значи тоа? Остануваат само оние фотографии кои ќе ви го разиграат срцето, односно, ако имате емоција кога ја гледате фотографијата – тогаш останува. 

Го споделувам со вас мојот метод од 6 чекори за организирација на фотографии:

Чекор 1 – Зошто сакам да ги организирам фотографиите?

Чекор 2 – Фрли го неупотребливото.

Чекор 3 – Сѐ на куп во фото-хаб.

Чекор 4 – Организирај по систем кој го разбира твојот ум.

Чекор 5 – Следи го правилниот редослед.

Чекор 6 – Затвори го кругот.

Чекор 1

Зошто сакам да ги организирам фотографиите?

Префилозофски почеток на организација на фотографии, признавам. 🙂 НО, помислете која е крајната цел, која е причината поради која сакате да имате организирани фотографии.

За да ги зачувате спомените од кои ви игра срцето? Како? Што би ве направило радосни, ако ги чувате во фото-хаб, ако испечатите фотографии и ги наредите во фотоалбум или споменар, ако направите неколку фотокниги кои го раскажуваат вашиот живот хронолошки или одберете неколку фантастични фотографии и ги врамите на вашиот ѕид?

Со крајот на ум, дајте си збор дека овој пат ќе истраете 🙂 Многу пат се случувало да почнам да ги организирам фотографиите и да се откажам по 1о минути зашто ги има премногу. Но, доброто е тоа што откако еднаш ќе посветите неколку часови да ги организирате натрупаните фотографии, потоа станува се многу полесно. Ќе ви бидат потребни 15-30 минути еднаш во месецот (доколку го следите нашиот инстаграм профил @marudbooks, еднаш месечно имаме ден посветен на фото-чистка. Пријателски потсетник да ги прочистите фотографиите.)

Чекор 2

Експрес акција: Избриши го неупотребливото.

Сега кога сме одлучни, зависно од бројот на фотографиите, одвојте неколку часа во денот или пак еден викенд, за чистка.

Почнете да ги бришете матните, неупотребливите, дупликатите. Избришете ги старите фотографии од настани кои веќе не ви се релевантни, пријателте нема да ви замерат 🙂 Одете уред по уред. Почнете од мобилниот, па старите мемориски уреди…секаде каде што ги чувате.

Чекор 3

Сѐ на куп во фото-хаб.

Како што ќе завршите со почетната чистка, ископирајте ги сите фотографии на еден уред – вашиот фото-хаб, домот на сите ваши фотографии. Моја препорака е оригиналните фајлови никогаш да не ги доверувате на клауд. Клаудот е одличен за бекап. 

Фото-хаб може да биде вашиот компјутер или надворешен хард диск, само погрижете се да има доволно место да ги вдоми сите ваши фотографии.

На овој начин ја централизирате работата, и организацијата станува многу, ама многу поедноставна.

Откако ќе го поставите фото-хабот треба да биде единственото место каде ги зачувувате сите ваши фотографии. Од таму пролжувате со понапредна организација.

Чекор 4

Организирај по систем кој го разбира твојот ум.

Лично, фајловите ги организирам по датум, со наслов кој ќе ме потсети на содржината. Многу ми олеснува употреба на софтвер за импортирање на фотографиите, кој веднаш прави каталогизација и ги креира фолдерите за мене. Така работи мојот ум најлесно…

2021 > 10.7.2021 - Летување во Охрид

Важно е да ги организирате на начин кој вам ви е лесен за снаоѓање. Можете да ги организирате според изворот (мобилен, цд, усб 1…), по локација, ситуација…зависно од тоа како планирате да ги употребувате.

Откако ќе го завршите овој дел 80% од работата е веќе завршена! Честитајте си! 

Оттука може да се продолжи со сериозната организација. Овој дел зависи вас, колку сакате да навлезете во организирање. Можете да користите програми за фотографии, мене ми е омилена Lightroom. Може да ги организирате со тагови, бои, да правите рејтинг… Но тоа е веќе напредно ниво на организација и слободно можете да го скокнете.

Чекор 5 

Што ти буди радост?

Фотографиите се интересен феномен, доказ за моментите кои направиле да почувствуваме силни емоции…најчесто фотографираме кога ситуациите или субјектите не прават среќни, за никогаш да не бидат заборавени. 

Магично е својството на фотографиите со поглед да ни ги разбудат истите емоции и да не вратат во ситуацијата. Само тие фотографии треба да продолжат да живеат во твојот фото-хаб.

Само оние фотографии кои прават срцето да ти пее – би рекла Кон Мари 🙂 Останатото Shift + Del. Не ги чувајте сите фотографи од свадбата на другарката од пред 5 години, или од крштевката кај што сте биле на гости, ако не ви будат радост. Никој нема да ви замери. 

Чекор 6

Затвори го кругот.

Потсети се од каде почна, која беше твојата замисла. Сега кога сите фотографии се организирани и лесно можеш да ги најдеш оние кои ги бараш, време е да го затвориш кругот – подготви ги најомилените фотографии за печатење. 

Најавете се на www.marudibooks.com, одберете од нашата понуда на фотокниги (линк), фото-постери (линк), фото-платна (линк) и мали принтови (линк) за вашиот следен проект. Зачувајте ги спомените онака како што заслужуваат, на начин кој ве радува.

ШТО ТЕ РАДУВА? 

Кога би замилиле идеален дом, како би биле организирани вашите фотографии? Како сет врамени постери прецизно распоредени на ѕидот во лобито, фотокниги за секој месец, година, патување? Одговорот се крие во прашањето Што ти буди радост? Толку е едноставно. 

Ви требаат уште информации како да одберете фотографии за фотокнига? Прочитајте го постот…(линк).

Posted on

ЗОШТО МОРА ДА ГИ ИСПЕЧАТИТЕ ВАШИТЕ ФОТОГРАФИИ?​

Се сеќавам како дете, кај баба ми на гости наидов на стари албуми. Држејќи ги старите фотографии во моите раце, почувствував како да се враќам назад во времето. Иако баба ми не се сеќаваше на сите ликови на фотографиите, секоја една од нив имаше своја посебна приказна. Со нејзините зборови ме враќаше назад во нејзината младост, и тој ден почнав да ја разбирам многу полесно таа жена која е толку различна од мене. Чудесен е тој времеплов кој го доживуваме со сите сетила кога гледаме стари фотографии.

Живеејќи во дигитална ера имаме слобода да направиме илјадници фотографии и сите наши драги настани да останат “живи” засекогаш. Но, кога последен пат ги испечативте своите омилени фотографии?

Иако сум фотограф, мислам дека има поминато преку година, од последиот пат кога испечатив неколку фотографии. А имам премногу кои ги обожавам толку, да ги имам при рака би ги листала секое утро додека си пијам кафе.

Верувам сте слушнале милион пати дека е многу важно да се печатат фотографиите, но дали знаете ЗОШТО?

КАКО ДА ГО НАПРАВИТЕ ВАШИОТ ИЗБОР?​

1. ТЕХНОЛОГИЈАТА Е НЕПОСТОЈАНА

Сите сме биле во ситуација или познаваме најмалку еден човек на кој му се случило да му „цркне“ телефон, хард диск или слично. Зачувувањето на клауд е доста добро решение, но со време може да стане и скапо за да се оддржи. Од друга страна доколку си ги чувате печатените фотографии или фотобукови на суво место и настрана од директна светлина тие сигурно ќе ги прераскажуваат вашите приказни долго по вас. 

2. JPG/JPEG ФАЈЛОВИТЕ СЕ РАСИПУВААТ

Да! Има голема веројатност да си изгубите многу фотографии кои најчесто уредите ги зачувуваат како .jpg/.jpeg сте си ги зачувале “безбедно” на компјутер. Овие формати сами од себе со текот на времето можат да се расипат и да е невозможно да ги отворите. Со самото преснимување, отворање и прегледување квалитетот опаѓа. Затоа печатете ги додека се “свежи“.

3. ФОТОГРАФИИТЕ СЕ ОДЛИЧЕН УКРАС

Нема ништо побаво од прегледување на драги фотографии. Правете селекција на најомилените фотографии барем еднаш до два пати годишно и врамете си ги, менувајќи ги старите со нови спомени. Направете фото ѕид кој ќе ја раскаже вашата животна приказна. А останатите испечатете ги како фотобук кој ќе ви стои при рака, за да можете да им се радувате или да им се пофалите на пријателите колку убаво сте си поминале на патување или колку ви била забавна годината со сите згоди и незгоди на вашето бебенце.

“Фотографирањето е начин на чувствување, на допирање, на љубење. Она што си го фатил на филм останува заробено засекогаш…Тоа се сеќава на мали работи, долго откако ти ќе заборавиш сé.”

– Арон Сискинд

4. ВАШИТЕ ДЕЦА, НО И ВАШИТЕ ВНУЦИ И ПРАВНУЦИ ЌЕ ВИ БИДАТ БЛАГОДАРНИ

Нема поскапоцено нешто од спомените. Тие се нашето јадро, нашата приказна, нашето зошто. Присетете се на моментите кога вие сте ги листале албумите на вашите родители, баба и дедо и што тоа разбудило во вас. 

Замислето го ликот на вашето малечко кога ќе порасне и заедно ќе седнете да ги разгледате вашите први спомени, почетокот на приказната на вашето малечко. Сите ваши емоции преточени во фотобук како сведоштво за сета љубов и радост. 

Има доста алакти за организација на фотографии, кои можат значително да ви го олеснат животот. Иако секогаш организирањето на фотографии го доживуваме како мачна обврска, кога ќе почнете со чепкање низ спомените, нема да сакате да застанете. 

Одвојте по неколку часа дневно или неделно, како ви дозволува времето, и посветете се на сортирање на вашите омилени фотографии. Традиционална опција е да се испечатат фотографиите една по една да се редат во фолиите од фото албум (ако си имате толку трпение браво за вас, јас никако да се решам). За среќа денес постојат печатени фотобукови со извонреден квалитет кои се издржливи и долготрајни, а најдоброто од се е што може да се нарачаат со персонализиран дизајн. Нешто нежнo и пастелно за вашето новороденче или шарено и шашаво за вашето детенце кое ужива во игрите и невините “бељи”.

Пишете ми слободно за каква помош и да ви треба околу вашите фотографии и со задоволство ќе ви помогнам. 

За инспирација ви препорачувам да ги разгледате моите фотобукови, кои се надевам ќе ве поттикнат конечно да им се посветите на вашите спомени онака како што вистински заслужуваат.

Posted on

10 БЕСПЛАТНИ АЛАТКИ ЗА ОБРАБОТКА НА ФОТОГРАФИИ – 2021

Еден од најчестите превиди кога се во прашање фотографиите е нивната обработка. Таа е особено важна кога ги припремате фотографиите за печатење. Најпопуларните алатки како Photoshop и Lightroom покрај високата цена, бараат и труд за да се запознаете со околината и да почнете да ги обработувате вашите фотографии.

За среќа постојат бројни бесплатни алатки за обработка на фотографии кои ви се достапни и не бараат преголемо предзнаење за да ги оживеете своите фотографии и да им дадете личен печат.

Без разлика дали сте мама со камера или фото-ентузијаст, вашите фотографии ќе изгледаат далеку подобро ако оберете една од овие 10 бесплатни алатки за обработка на фотографии. 

01. ADOBE PHOTOSHOP EXPRESS

02. PIXLR X

03. PHOTOSCAPE X

04. FOTOR

05. BEFUNKY

06. A COLOR STORY

07. SNAPSEED

08. AFTERLIGHT 2

09. REPIX

10. INSTASIZE

01. ADOBE PHOTOSHOP EXPRESS

Adobe Photoshop Express е направена да биде моќна, едноставна и достапна алатка, без разлика на нивото на предзнаење. Со малку играње со базичните алатки ќе можете да правите брзи обработки на вашите омилени фотографии. 

Ќе можете да направите корекција на светлото, контрастот, перспективата, сатурацијата на боите, па дури и да вклучите преддефиниран ефект, текст или да креирате колажи.

Супер е што можете да обработувате фотографии од Adobe Creative Cloud, Dropbox, Facebook, or Google Photos. Но уште подобро е што целата обработка е недеструктивна, што значи дека секогаш можете да ја вратите првата верзија на фотографијата.

02. PIXLR X

Еден од најпрепорачуваните софтвери за почетници е Pixlr X кој ги нуди сите основни алатки за брза обработка на фотографии. Може да влијаете на боите, кроп, баласот на боите, како и да избришете несоодветни елементи од фотографијата.

Понапредната верзија Pixlr E нуди повеќе опции за обработка, па откако ќе ја совладате Pixlr X ќе може да се префрлите и да поченете да работите со четки, слоеви и понапредни алатки.

03. PHOTOSCAPE X

PhotoScape X е седмо небо за секој кој сака скоро неограничени можности за обработка на фотографиите со еден клик. Филтри, колажи, ефекти, четки, форми, рамки…што да помислиш PhotoScape X најверојатно го има. Доколку имате бројни фотографии кои сакате наеднаш да ги обработите, оваа апликација нуди можност за групна обработка на фотографии.

А ако ова не ви е доволно, PhotoScape X има и платена верзија со која можете да добиете уште повеќе можности за изразување на вашата креативност.

04. FOTOR

Со долга листа на основни алатки за обработка на вашите фотографии со кои ќе го подобрите севкупниот изглед на вашата фотографија, но и опциите да влијаете на посебни елементи како на пример да избелите заби, Fotor е супер алатка за почетници.

Дополнително има и палета ефекти, стикери, можности за додавање на текст и слично, со што ги одврзува рацете на вашата креативност.

Интересно кај Fotor е тоа што нуди уште две можности – дизајн и колажи, кои имаат бројни готови темплејти за вас да одберете. Со тоа можете да креирате квалитетни дизајни со минимум знаење.

05. BEFUNKY

Едноставен и user-friendly изглед, BeFunky многу наликува на Fotor. Има широка палета на можности за обработка, од најосновните до артистички ефекти и текстури.Исто како Fotor нуди дизајнирање и правење колажи на готови темплејти. Достапен и на десктоп и мобилен, BeFunky има и бесплатна и премиум верзија.

06. A COLOR STORY

Не сакате да ги проучувате опциите за обработка, нема проблем!  A Color Story со 100+ фото-ефекти ќе ви стане најдобар сојузник во обработката на фотографиите. Како што кажува името, целта на апликацијата е да ги оживее боите на вашите фотографии за да можат автентично да ја раскажат вашата приказна. Едноставен интерфејс ве води лесно да го постигнете ефектот кој го посакувате.

07. SNAPSEED

Snapseed ви дава контрола над секој аспект од вашата фотографија. Можете да корегирате црвенила, да ја подобрите текстурата на заматена фотографија, на кусо можете да направите многу за своите фотографии.

08. AFTERLIGHT 2

Afterlight 2 има одлични креативни можности, од осветлување-затемнување, заматување и изострување на фотографијата, сатурација и разни ефекти за подобрување на вашите фотографии. 

Редновното додавање на новини, филтри, фонтови, рамки е интересна опција која од вас бара еднократна уплата и потоа е ваше да ја пуштите креативноста да лудува 

09. REPIX

Одличен за почетници со артистички израз.  Едноставните филтри и опции за колор-корекција, избор на четки и рамки кои ги нуди Repix можат да ги претворат вашите фотографии во уметнички дела без многу напор.

10. INSTASIZE

Instasize започна како апликација за додавање на рамки околу фотографиите за да го исполнат бараниот постор на Instagram, а денес е апликација која нуди многу повеќе.

Бројни филтри, колор-корекција, па дури и обработка на видеа се достапни во стандардната верзија. Премиум верзијата секако овозможува уште поголема слобода и уникатни алатки за обработка.

Иако повеќето од овие апликации се одлични за обработка, финалниот резултат не секогаш е  подготвен за печат, особено ако фотографиите  се зголемуваат за печатање. Не сте сигурни дали вашите фотографии се доволно добри за печатење?  Нашиот тим ќе ги провери фотографиите, пред печатење и ќе ве извести доколку забележиме дека резолуцијата не е доволно висока. 

Доколку имате дополнителни прашања или ви треба помош при изборот слободно може да ме контактирате на tanja@studiomarudi.com или на 075-472-635.

tanja-john
Posted on Leave a comment

КАКО ДА ОДБЕРАМ ФОТОГРАФИИ ЗА ФОТОКНИГА?

Сите сме биле тука – купишта фотографии, сите драги, некои за нијанса подобри од другитe, но  на другите подобро сме испаднале. 

Прашањето е: Кои се најважните? Кои се тие што ќе не вратат во моментот на случувањето откако ќе ги испечатиме во фотокнига?

Често ни изгледа како премногу голема одговoрност, не можеме да одбереме. Оставаме за понатаму. Поминуваат месеци, а разликата е што сега имаме уште повеќе за бирање… нормално… одложуваме повторно.

ТРГНЕТЕ ГО ПРИТИСОКОТ

На крајот од денот, светот ќе продолжи да се врти ако ја одбереме „погрешната“ фотографија. Факт е дека ќе имаме милион нови шанси да ја испечатиме „вистинската“ во случај да се премислиме, дури и откако ќе испечатиме.

Бирањето фотографии е (може да биде) забавна задача!

Знаејќи дека не е така за сите, подготвив мини водич за бирање на фотографии за фотокнига. Прочитајте ги практичните совети и почнете да бирате како професионалец. 

Верувам во вас! 

КОИ ФОТОГРАФИИ СЕ ДОБАР ИЗБОР ЗА АЛБУМ?

Добар квалитет и силна емоција е добитната комбинација. Полесно е да каже отколку да се одбере…Што значи тоа?

ПРОВЕРЕТЕ ЈА РЕЗОЛУЦИЈАТА

Секогаш бирајте ги фотографиите кои имаат повисока резолуција.

Идеално е да одберете фотографии кои имаат најмалку 280dpi за да имате најдобар квалитет на печатот. Фотографиите направени со телефон или преземени од социјалните медиуми може да имаат пониска резолуција. Имајте на ум дека може да добиете предупредување дека сите фотографии со помалку од 150dpi кога ќе се испечатат нема да изгледаат баш добро. 

Кога ви праќаат фотографии користете платформи како Dropbox, Google Drive, Wetransfer, AirDrop и сличнo. Фотографии пратени во порака може да имаат понизок квалитет.

Ви треба помош да ја проверите резолуцијата на вашите фотографии? Разгледајте ја оваа одлична алатка за да бидете сигурни дека вашите фотографии ќе се испечатат беспрекорно.

ИЗБЕГНУВАЈТЕ МНОГУ ТЕМНИ ФОТОГРАФИИ

Ако субјектот на вашата фотографија е темен, добро е да одберете друга посветла фотографија или да ја осветлите вашата со соодветен софтвер.   Прочитајте го нашиот текст за 10 БЕСПЛАТНИ АЛАТКИ ЗА ОБРАБОТКА НА ФОТОГРАФИИ – 2021 за да добиете корисни совети за нивно подобрување. Темните фотографии ќе се испечатат со помала острина и контраст од она што го гледате на вашиот екран.

ЕМОЦИИ

Секоја фотографија има свое место во албумот, подредете ги така што и најситните детаљи и крупните кадри успешно ќе ја раскажат вашата приказна и ќе ве воведат во емоцијата на мигот.

КОЛКУ ФОТОГРАФИИ ДА ОДБЕРАМ?

Јас сум голем поддржувач, ама гооолем поддржувач на минимализмот во дизајните. Една до две фотографии на страница со бел простор за мене е совршено. 

Зависно од димензијата на фотокнигата може да одберете различни темплејти кои комбинираат различен број на фотографии. При комбинирање фотографии размислувајте дали раскажуваат едно случување, момент или пренесуваат иста порака. 

На пример, ако одберете фотокнига со 86 страници, моја препорака е да подготвите 100-160 фотографии.

Доколку имате дополнителни прашања или ви треба помош при изборот слободно може да ме контактирате на tanja@studiomarudi.com или на 075-472-635.

tanja-john