Ознака: обработка на фотографии

• Имате стотици дигитални фотографии?
• Сè уште не сте нашле време да ги испечатите фотографиите од вашата свадба?
• Уште не ги одбравте најважните слики од роденденот на вашето детенце?
• Секој пат кога ќе седнете да бирате слики, ви доаѓа премногу и се откажувате?

Во природа на спомените е да се создаваат со поголема динамика од нашиот капацитет за печатење и о рганизирање. Повеќето од нас посакуваат редовно да ги печатат своите фотографии, но тоа ретко е случај. Голем дел од нас сонуваат за совршено уредени споменари, албуми или фотокниги, но, никогаш не наоѓаме доволно време за да ги почнеме, а камо ли да ги завршиме.

Овој пост е посветен на справување со еден од најслатките, но и најпоразителните предизвици во нашиот современ живот – што да направите ако заостанувате со печатењето на спомените.

Замислете ги вашите дигитални фотографии како мешавина на моменти, емоции и спомени, секоја слика раскажува нешто посебно. Во овој свет на брзина и технолошки напредок, може да се чувствувате загубено во бескрајноста на слики и фајлови. Тука ќе дознаете како да го совладате овој хаос и да го трансформирате во неверојатно задоволство кога ќе научите како со љубопитство и љубов да ги организирате, селектирате и испечатите вашите фотографии.

Како да испечатите сè?

Доколку немате испечатено фотографии од ниту едно патување до сега, не значи дека секое патување треба да има посебен албум или фотокнига; или ако вашето “бебенце” годинава ќе полни шест години, а вие не сте стигнале да ги испечатите фотографиите од првата семејна фотосесија, НИШТО СТРАШНО.

Помирете се дека можеби тоа не е за вас, но, и тоа не значи дека вашите спомени треба да оставите да собираат прашина. Бидете методични. 

Кои спомени сакате никогаш да не се заборават?

Кои спомени сакате никогаш да не се заборават? – е одлично почетно прашање. Заборавете за момент на тоа колку фотографии имате, доколку почнете со тоа може да ве преплави. Сигурно имате повеќе фотографии отколку што можете да испечатите во моментот, а и ако сме искрени, не ни ви се потребни 20 скоро исти фотографии, кои, гледано од дистанца не раскажуваат никаква приказна.

Можеби вашата фотокнига е подобро да биде збирка од најзабвните моменти од вашите патувања и пејсажи кои ве оставиле без здив, или пак може да биде фотокнига од вашето детство, па следната да биде од вашата адолесценција. Каде е запишано правилото дека фотокнигата на вашето дете мора да биде од роденден до роденден, може и да ја направите од раѓање до поаѓање на училиште… едноставно разберете – правилата за вашите спомени ги одредувате вие.

Помалку фотографии – повпечатлива приказна.

Често кај клиентите забележувам дека ако вклучат 200-300 фотографии во една фотокнига, сметаат дека добиваат повреден спомен. Можеби прават добра зделка, но, на тој начин се разводува приказната, а сликите се често доста мали за да ги собере на страниците, со што се губи впечатокот кој инаку би го имала една внимателно одбрана фотографија.

Која е суштината, што раскажува оваа страница од фотокнигата? Која е емоцијата што сакате да ја доживеете следниот пат кога ќе ја листате фотокнигата. Вашето детенце секогаш е слатко на фотографиите, и сите ве радуваат, но, само по неколку роденденски фотографии од детенцето само дотеранко со украсите, со родителите, со другарчињата како се забавуваат, од атмосферата, со тортата и подароците, всушност сосем доволно ќе ја отсликаат целата прослава и ќе ве навратат на убавиот ден.

Колку се вистински важни сите слики од растрчаните дечиња во игротеката, или сликите со гостите кај што детето се тегне за да избега кај другарчињата?

План за печатење на вашите дигитални фотографии.

Помислете на сите аспекти, ако сепак имате премногу фотографии можеби е добро да ги организирате во колекција фотокниги. 

Доколку заостанувате неколку години со спомените, можеби ќе успеете да ги одберете најзначаните настани и да ги организирате во една фотокнига.

Можеби ќе ги поделите по теми: детство, адолесценција, во брак до деца, и албум за децата…

Со ова на ум, многу полесно ќе можете да ги организирате и одберете фотографиите.

Подобро испечатено, отколку совршено – а недовршено

Листањето на фотографиите може да биде заведувачко искуство. Но, запомнете нема да се каете што не сте вклучиле некоја фотографија во вашата фотокнига. Па и да има некоја која би сакале да ја имате во рака –  секогаш можете да ја испечатите дополнително.

Верувајте му на сопствениот инстинкт – и пресечете. Ќе се каете само ако не ги испечатите најзначајните спомени, а ви се случи некоја хаварија и ги изгубите дигиталните фајлови. Тоа би било многу пострашно, од кратење на фотографии, нели?

Ако сè уште ви е потребна дополнителна помош, ве канам да го преземете бесплатниот Водич за зачувување на спомени и научете како релаксирано и лесно да ги организирате дигиталните фотографии во прекрасно дизјанирани проекти. Овој водич вклучува и чеклиста и детален план кој ве води чекор по чекор низ процесот за планирање и печатење на вашите фото-проекти, како и совети и насоки за насочено и безвременско дизајнирање на вашите фото-проекти.

Искористете ги овие совети

за вашиот следен фото-проект

разгледај ги производите